काठमाडौं । माओवादी केन्द्रले गण्डकीमा खगराज अधिकारी नेतृत्वको सरकारलाई दिएको समर्थन फिर्ता लिएको छ ।

शुक्रबार बसेको माओवादीको संसदीय दलको बैठकले सरकारलाई दिएको समर्थन फिर्ता लिँदै सरकारबाट बाहिरिने निर्णय भएको संसदीय दलका नेता एवं भौतिक पूर्वाधारमन्त्री हरिबहादुर चुमानले बताए ।

उनकाअनुसार माओवादीका मन्त्रीहरूले आजै मुख्यमन्त्रीसमक्ष राजीनामा बुझाउने छन् । अधिकारी सरकारमा चुमानसहित माओवादीबाट उद्योग, पर्यटनमन्त्री रेशमबहादुर जुग्जाली छन् ।

खगराजको दुः ख : १३ दिनमा गृहमन्त्री गुम्यो, तीन महिना नपुग्दै मुख्यमन्त्री नै धरापमा

माओवादीले समर्थन फिर्ता लिएसँगै अधिकारी सरकार अल्पमतमा परेको छ । एमाले, माओवादी र राप्रपासहितको नेतृत्वमा अधिकारी २७ पुसमा मुख्यमन्त्रीमा नियुक्त भएका थिए ।

राष्ट्रपति निर्वाचनमा संघमा सत्ता समीकरण फेरबदल भएसँगै प्रदेशमासमेत सरकार भत्किएको हो । ६० सदस्यीय प्रदेश सभामा विश्वासको मत पाउन अधिकारीले ३१ सांसादको समर्थन आवश्यक पर्छ ।