सेनाको हेलिकप्टर चढेर आज गोरखा जाँदै राष्ट्रपति

लुम्बिनी प्रदेशमा मन्त्रिपरिषद् पुनर्गठन: पाँच नयाँ मन्त्री थपिए, जेठ २५ गते शपथ

सेनाको हेलिकप्टर चढेर आज गोरखा जाँदै राष्ट्रपति

नेपालवाच २०७९ चैत १२ गते ८:०५

काठमाडौं । राष्ट्रपति रामचन्द्र पौडेल आज गोरखा जाने भएका छन् ।

गोरखकाली मन्दिरको पूजा र गोरखा दरबार क्षेत्र अवलोकनका लागि राष्ट्रपति पौडेल त्यसतर्फ जान लागेका हुन् । पृथ्वीनारायण शाहको गोरखाबजारमा रहेको शालिकमा पनि उनले माल्यार्पण गर्ने कार्यक्रम छ ।

नेपाली सेनाको हेलिकप्टरमार्फत अहिले बिहान ९ः३० बजे पौडेल गोरखातर्फ प्रस्थान गर्ने तय भएको उनको सचिवालयले जनाएको छ ।

गत फागुन २५ मा सम्पन्न निर्वाचनबाट पौडेल राष्ट्रपतिमा निर्वाचित भएका थिए । निर्वाचित भएपछि उनी उपत्यकाबाहिरको औपचारिक कार्यक्रममा पहिलो पटक सहभागी हुन लागेका हुन् ।