काठमाडौं । नेपाल आइडल सिजन ४ को उपाधि भैरहवाका भूपेन्द्र थापा मगरले जितेका छन् । गायन रियालिटी शो नेपाल आइडलको शनिबार राति सम्पन्न ग्रान्ड फिनालेमा अन्य चार प्रतिस्पर्धीलाई पछि पार्दै भूपेन्द्रले उपाधि जितेका हुन् ।

दर्शकको भोटको आधारमा उपाधि प्रदान गरिएको हो ।

विजेता भूपेन्द्रले ट्रफीसँगै ३० लाख रुपैयाँ नगद प्राप्त गरे । फस्ट रनरअप झापाका नामगेल तामाङले ५ लाख र सेकेन्ड रनरअप रामेछापका रञ्जित नेपालीले ३ लाख रूपैयाँ नगद पुरस्कार प्राप्त गरे ।

त्यस्तै फाइनलमा पुगेका झापाका विश्वास उप्रेती र मोरङकी लक्ष्मी पौडेलले गिटार र १० लाख बराबरको बीमा सुविधा प्राप्त गरेका छन्।

एपीवान टेलिभिजनमा प्रसारण हुँदै आएको नेपाल आइडलको यो सिजनमा संगीतकार शम्भुजीत बास्कोटा, गायक सुगम पोखरेल र सुबानी मोक्तान निर्णायक थिए ।