काठमाडौं । शरणार्थी प्रकरणले देशको राजनीति नै तंरगित भएको अवस्थामा बसेकाे शीर्ष तीन नेताको बैठकमा गृहमन्त्री नारायणकाजी श्रेष्ठसमेत सामेल भएका छन् ।

प्रधानमन्त्री कार्यालय सिंहदरबारमा झण्डै दुई घण्टादेखि प्रधानमन्त्रीसमेत रहेका प्रचण्ड, कांग्रेसका सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा गृहमन्त्री पुग्नुलाई अर्थपूर्ण रुपमा हेरिएको छ ।

आजै बिहानमात्रै नक्कली भूटानी शरणार्थी प्रकरणमा पूर्वगृहमन्त्री एंव कांग्रेसका प्रभावशाली नेता बालकृष्ण खाँड पक्राउ परेका छन् । यसै गरी, फरार रहेको पूर्वमन्त्री तथा एमालेका सचिव टोपबहादुर रायमाझीलाई एमालेले निलम्बन गरिसकेको छ ।