काठमाडाैं । बुधबार सुनको मूल्य तोलामा एक हजार एक सय रूपैयाँ घटेको छ । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला ९९ हजार २ सय रूपैयाँमा कारोबार भएको हो ।

मंगलबार छापावाल सुनको मूल्य तोलामा आठ सय रूपैयाँ बढेर एक लाख तीन सय रूपैयाँमा कारोबार भएको थियो । त्यस्तै सोमबार छापावाल सुन तोलामा तीन सय रूपैयाँ बढेर ९९ हजार पाँच सय रूपैयाँमा कारोबार भएको थियो । आइतबार छापावाल सुन तोलामा ९९ हजार २ सय रूपैयाँमा कारोबार भएको थियो ।

आज तेजावी सुनको मुल्य प्रतितोला ९८ हजार सात सय रूपैयाँमा कारोबार भइरहेको छ । मंगलबार चाँदी तोलामा २० रूपैयाँ बढेकोमा बुधबार १५ रूपैयाँ घटेको छ ।महासंघका अनुसार आज चाँदी तोलामा एक हजार ३७० रूपैयाँमा कारोबार भइरहेको हो । मंगलबार चाँदी तोलामा एक हजार तीन सय ९५ रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ ।