रियलको नजर एमबाप्पेमाथि, कतिसम्म खर्चेला ?
काठमाडौं । सन् २०१७ मा मोनाकोबाट लोनमा पेरिस सेन्ट जर्मेन (पिएसजी) अनुबन्धित केलियन एमबाप्पेको आगामी सिजनमा सम्झौता म्याद सकिँदैछ । म्याद सकिए पनि उनले पिएसजीमा सम्झौता नवीकरण गर्न अरुचि देखाएका छन् । एक पत्र नै लेखेर एमबाप्पेले पिएसजीसँग सम्झौता नवीकरण नगर्ने प्रष्ट पारेका छन् । एमबाप्पे पिएसजी नरहने पक्का भएपछि ठूला फुटबल क्लबको नजर उनीतिर परेको छ । यसक्रममा विभिन्न क्लब उनलाई भित्राउन लागिपरेका छन् ।
पिएसजीका तेज गतिका फरवार्ड केलियन एमबाप्पेलाई मोटो रकम खर्चेर भए पनि आफ्नो क्लबमा भित्राउन रियल मड्रिड तयार देखिएको छ ।
फ्रान्सको एक टेलिभिजनले मोटो रकम खर्चेरै भए पनि एमबाप्पे अनुबन्ध गर्न रियल तयार रहेको जनाएको छ । उक्त टेलिभिजनले सम्प्रेषण गरेको समाचार अनुसार, यसका लागि रियलले २०० मिलियन युरो खर्चंन सक्छ । ला लिगा क्लब रियलले एमबाप्पे भित्राउन लामो समयदेखि रुचि देखाइरहेको छ ।
पछिल्लो समय पीएसजी पनि एमबाप्पेलाई बेच्ने तयारी गरेको छ । सम्झौता नवीकरणमा एमबाप्पेले अरुचि देखाएपछि पिएसजीले उनलाई बिक्री गर्ने तयारी गरेको हो ।
सन् २०१७ मा पिएसजी भित्रिएका एमबाप्पेले यो क्लबका लागि हालसम्म २६० खेल खेलेका छन् । जसमा उनले गरेको गोल संख्या २१२ छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया