काठमाडौं । काठमाडौं महानगरपालिकाले भोलि (सोमबार) देखि भारतीय फिल्मको प्रर्दशन गर्न नदिने भएको छ । त्यसका लागि महानगरपालिकाले नगर प्रहरीलाई खटाएर प्रर्दशन रोक्न निर्देशनसमेत दिइसकेको महानगर स्रोतले बताएको छ ।

महानगरपालिकाको प्रमुख (मेयर) बालेन शाहले बिहीबार सामाजिक सञ्जालमा एक पोस्ट् गर्दै फिल्म ‘आदिपुरुष’ मा जानकी भारतकी छोरी हुन् भन्ने गलत संवाद सबैतिर नहटाएसम्म महानगरपालिका क्षेत्रभित्रका हलमा प्रदर्शन गर्न नदिने भन्दै सच्याउन तीन दिनको समय दिएको थियो ।

तर उक्त विवादित वाक्य हटाउनुको सट्टामा फिल्मका गीतकार तथा लेखक मनोज मुन्तशीरले सन् १९०३ अघि नेपाल भारतकै अंश रहेको भन्दै विवादस्पद अभिव्यक्ति दिएका छन् ।