काठमाडौं । नेपाली क्रिकेट टोलीका पूर्व कप्तान तथा लेग स्पिनर सन्दीप लामिछाने एकदिवसीय अन्तर्राष्ट्रिय (ओडिआई) क्रिकेटमा अर्को खराब प्रदर्शन गरेका छन् ।

आइसिसी एकदिवसीय विश्वकप छनोटअन्तर्गत जिम्बावेविरुद्ध मैदानमा उत्रिएका उनले खराब प्रदर्शन गरेका हुन् ।

एकदिवसीय अन्तर्राष्ट्रिय (ओडिआई) क्रिकेटमा लगातार ३३ इनिङपछि उनी विकेटविहीन बनेका छन् ।

योसँगै उनको ३३ इनिङसम्मको यात्रा समाप्त भएको छ ।

आइतबारको खेलमा सन्दीपले १० ओभरमा ७७ रन खर्चिए पनि कुनै विकेट लिन सकेनन् ।

ओडिआई करिअरमा सन्दीपको यो दोस्रो खराब प्रदर्शन हो । यसअघि त्रिवि क्रिकेट मैदानमा भएको आइसिसी विश्वकप लिग टू को युएईविरुद्धको अन्तिम खेलमा पनि १० ओभरमा ८० रन खर्चेर १ विकेट लिएका थिए ।