निगमले घटायो हवाई इन्धनको मूल्य, पेट्रोल प्रतिलिटर कति पुग्यो ?

ट्राफिक कारबाहीमा एकै दिन २२ लाख ७६ हजार राजस्व संकलन

निगमले घटायो हवाई इन्धनको मूल्य, पेट्रोल प्रतिलिटर कति पुग्यो ?

नेपालवाच २०८० असार ६ गते ११:०४

काठमाडाैं । नेपाल आयल निगमले हिजो मध्यरातिदेखि लागु हुने गरी हवाई इन्धनको मूल्य घटाएको छ । निगमले हवाई इन्धन प्रतिलिटर आन्तरिकतर्फ १० रुपैयाँ र अन्तर्राष्ट्रियतर्फ २६ रुपैयाँ घटाउने निर्णय गरेको हो ।

नयाँ मूल्य निर्धारण भएसँगै आजदेखि हवाई इन्धनको मूल्य आन्तरिकतर्फ प्रतिलिटर १५० रूपैयाँ र अन्तरार्ष्टियतर्फ प्रतिकिलोलिटर अमेरिकी डलर १ हजार १५० रूपैयाँ कायम गरिएको निगमले जनाएको छ ।

निगमले पेट्रोल, डिजेल र खाना पकाउने एलपी ग्यासको मूल्य भने यथावत राखेको छ । हाल पेट्रोलको मूल्य प्रतिलिटर १७५, डिजेलको १५५ र ग्यासको प्रतिसिलिण्डर १८ सय रुपैयाँ छ ।