मेलम्ची पानी बाँड्न नसक्दा शाक्य बर्खास्त
काठमाडौं । खानेपानीकाे वितरण प्रभावकारी बनाउन नसकेकाे आराेप खेपिरहेकाे काठमाडौं उपत्यका खानेपानी लिमिटेड (केयुकेएल) का कार्यकारी अधिकृत मिलन शाक्य बर्खास्तगीमा परेका छन् ।
मेलम्चीको पानी वितरण प्रभावकारी बनाउन नसकेपछि बिहीबार बसेकाे लिमिटेड सञ्चालक समिति बैठकले उनलाई बर्खास्त गरेको हो ।
शाक्यको कार्यसम्पादन चित्तबुझ्दो नभएपछि उनलाई जिम्मेवारीबाट हटाउने निर्णय गरेकाे लिमिटेडका एक सञ्चा लक समिति सदस्यले जानकारी दिए ।
शाक्यको कार्यकाल चार वर्ष थियो । यसरी नियुक्त कार्यकारी अधिकृतको कार्यसम्पादन जाँच गर्ने, निरन्तरता दिने, नदिनेसम्बन्धी निर्णय लिने अधिकार बोर्डलाई छ ।
मेलम्चीको पानी थपिएपछि काठमाडौंकाे खानेपानी समस्या समाधान हुने ठानिएकाे थियाे । तर शाक्य नेतृत्वमा रहँदा केयुकेएलकाे पानी वितरण प्रभावकारी हुन सकेकाे थिएन ।
यसबारे केयुकेएलसँग व्यापक जनगुनासो थियो । शाक्यको कार्यसम्पादनलाई लिएर कर्मचारीसमेत रुष्ट थिए । उनीहरुले शाक्यविरुद्ध आन्दोलन नै गरेका थिए ।
यसबारे प्रतिक्रिया लिन शाक्यसँग सम्पर्क गर्दा स्थापित हुन सकेन ।
शाक्यपछि केयुकेएलको कमाण्ड ज्ञानेन्द्रबहादुर कार्कीले सम्हालेका छन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया