काठमाडौं । एसइई परीक्षाको परीक्षाफल प्रकाशित गर्ने तयारी गरिएको छ । गत वर्ष चैतमा सञ्चालित परीक्षाको परीक्षाफल प्रकाशित गर्न राष्ट्रिय परीक्षा बोर्डले बैठक बोलाएको छ ।

एसइईको परीक्षाफल प्रकाशित गर्नेबारे छलफल गर्न बिहीबार दिउँसो बैठक बोलाइएको बोर्डले जनाएको छ ।

परीक्षाफल प्रकाशित गर्ने सम्पूर्ण तयारी पूरा भएपछि बैठक बसेर त्यसबारे निर्णय लिइने प्रचलन रहेकाले सम्भवतः आजै परीक्षाफल प्रकाशित हुने सम्भावना छ ।

गत चैत १७ गतेदेखि २९ गतेसम्म सञ्चालन भएको एसईईमा नियमित र आंशिक गरी करिब ५ लाख परीक्षार्थी सहभागी भएका थिए । बोर्डले यस वर्ष पनि पुरानै ग्रेडिङ प्रणालीअनुसार परीक्षाफल प्रकाशित गर्ने तयारी गरेको छ ।