काठमाडौं महानगरपालिकाद्वारा दुई सहकारीको दर्ता खारेज
काठमाडौं । काठमाडौं महानगरपालिका (कामपा) क्षेत्रभित्रका दुई सहकारी संस्था खारेज भएका छन् ।
सहकारी ऐन, २०७५ को प्रावधानबमोजिम महानगरपालिकाले दुई सहकारीको दर्ता खारेज गरिदिएको हो ।
दर्ता खारेज हुनेमा कामपा–५ मा रहेको श्री ज्येष्ठ नागरिक स्वास्थ्य सेवा सहकारी संस्था लिमिटेड र चाबहिलमा रहेको सुकस बचत तथा ऋण सहकारी संस्था छन् ।
महानगरपालिकाका अनुसार यी दुई सहकारी स्वयंले दर्ता खारेजीका लागि आवेदन दिएका थिए । त्यसैका आधारमा उनीहरूको दर्ता खारेज गर्ने निर्णय भएको हो ।
सहकारी ऐन, २०७५ को दफा ६६ उपदफा १ मा कुनै संस्थाको विनियममा उल्लिखित उद्देश्य तथा कार्य हासिल गर्न सम्भव नभएमा र सदस्यको हित गर्न नसक्ने भएमा साधारणसभाको तत्काल कायम दुई तिहाइ बहुमत सदस्यको निर्णयबाट त्यस्तो संस्थाको विघटन गर्ने निर्णय गरी आवेदन दिन सक्ने प्रावधान छ ।
महानगरपालिकाले उक्त सहकारीमा आर्थिक कारोबार गरेका तर राफसाफ नगरेका व्यक्तिहरूलाई १५ दिनभित्र सम्पर्कमा आउन भनेको छ । अन्यथा कुनै पनि दाबी विरोधको जिम्मेवार विभाग नहुने महानगरपालिकाले प्रष्ट पारेको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया