सरकारले ट्रेजरी बिल्समार्फत १७ अर्ब आन्तरिक ऋण उठाउँदै

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

सरकारले ट्रेजरी बिल्समार्फत १७ अर्ब आन्तरिक ऋण उठाउँदै

नेपालवाच २०८० असार ३१ गते १५:५९

काठमाडौं । सरकारले ट्रेजरी बिल्समार्फत १७ अर्ब ७० करोड रूपैयाँ बराबरको आन्तरिक ऋण उठाउने भएको छ । यसको बोलकबोल सोमबार दिउँसो ३ बजे हुनेछ ।

नेपाल राष्ट्र बैंकले २८ दिन र ९१ दिनको लागि ट्रेजरी बिल्स जारी गर्न लागेकाे हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले २८ दिनको लागि १० अर्ब रुपैयाँको ट्रेजरी बिल जारी गर्न लागेको छ । जुन २०८० साल साउन ३० गते परिपक्व हुनेछ । त्यस्तै, ९१ दिनको लागि ७ अर्ब ७० करोड रुपैयाँको ट्रेजरी बिल जारी गर्न लागेको हो । यो ट्रेजरी २०८० असोज ३० गते परिपक्व हुनेछ ।