काठमाडौं । नेपाल राष्ट्र बैंकले आज बिहीबारका लागि विदेशी मुद्राको विनिमय दर सार्वजनिक गरेको छ ।

आज अमेरिकी डलरको भाउ केही बढेको छ । बुधबार अमेरिकी डलर एकको खरिददर १३० रुपैयाँ ९६ पैसा र बिक्रीदर १३१ रुपैयाँ ५६ पैसा रहेकोमा आज खरिददर १३१ रुपैयाँ ०६ पैसा र बिक्रीदर १३१ रुपैयाँ ६६ पैसा पुगेको छ ।

राष्ट्र बैंकका अनुसार बेलायती पाउण्डको मूल्य भने केही घटेको छ । बुधबार बेलायती पाउण्ड एकको खरिददर १७१ रुपैयाँ ६९ पैसा र बिक्रीदर १७२ रुपैयाँ ४८ पैसा पुगेकोमा बिहीबार पाउण्डको खरिददर १६९ रुपैयाँ ४९ पैसा, बिक्रीदर १७० रुपैयाँ २७ पैसा रहेको छ ।

आज युरो एकको खरिददर १४७ रुपैयाँ १० पैसा र बिक्रीदर १४७ रुपैयाँ ७८ पैसा रहेको छ ।

त्यस्तै आज कतारी रियाल एकको खरिददर ३५ रुपैयाँ ९७ पैसा र बिक्रीदर ३६ रुपैयाँ १४ पैसा रहेको छ । क्यानडियन डलरमा एक डलर खरिद गर्दा ९९ रुपैयाँ ४६ पैसा र बिक्रीदर ९९ रुपैया ९१ पैसा निर्धारण गरिएको छ ।