काठमाडौं । आज शुक्रबार गण्डकी र सुदूरपश्चिम प्रदेशका एक-दुई स्थानमा मेघ गर्जन र चट्याङ्गसहित भारी वर्षाको सम्भावना रहेको छ ।

मौसम पूर्वानुमान महाशाखाका अनुसार अहिले पनि गण्डकी, लुम्बिनी, कर्णाली र सुदूरपश्चिम प्रदेशमा सामान्य बदली रही केही स्थानमा हल्का वर्षा भइरहेको छ।

देशमा मनसुनी वायुको आंशिक प्रभाव रहेकोले देशभर आंशिकदेखि सामान्य बदली रहने महाशाखाले जनाएको छ ।

शनिबार बागमती, गण्डकी, कर्णाली र सुदूरपश्चिम प्रदेशका केही स्थानहरू तथा देशका बाँकी भू(भागका थोरै स्थानहरूमा हल्का देखि मध्यम वर्षासहित हावाहुरीको पनि सम्भावना रहेकाले सचेत रहन महाशाखाले अनुरोध गरेको छ ।

गण्डकी र सुदूरपश्चिम प्रदेशमा भने आइतबार पनि भारी वर्षाको सम्भावना रहेको छ ।