प्रचण्ड र ओलीपछि सन्दीप क्षेत्रीले भेटे राष्ट्रपति

दर्शकले रुचाउन थाले नेपाली चलचित्र

प्रचण्ड र ओलीपछि सन्दीप क्षेत्रीले भेटे राष्ट्रपति

नेपालवाच २०७८ चैत १३ गते १७:४३

काठमाडौं । हाँस्य कलाकार सन्दीप क्षेत्रीले राष्ट्रपति विद्यादेवी भण्डारीलाई भेटेका छन् ।

कलाकार क्षेत्रीले सामाजिक सञ्जालमार्फत यसको जानकारी दिएका हुन् ।

क्षेत्री श्रीमती समीक्षा पोखरेललाई लिएर शितल निवास पुगेका थिए ।

क्षेत्रीले गत फागुन ९ गतेमात्र एमाले अध्यक्ष केपी शर्मा ओलीलाई भेटेका थिए ।

यस्तै, केही महिनाअघि उनले माओवादी केन्द्रका अध्यक्ष पुष्पकमल दाहाल प्रचण्डसँग पनि भेटघाट गरेका थिए ।

स्थानीय चुनाव नजिकिँदै गर्दा कलाकारहरू राजनीतिक दलमा लाग्ने क्रम चलिरहेको छ । यसैबीच, कलाकार क्षेत्रीले पनि नेताहरूलाई भेटिरहेका छन् । यसलाई अर्थपूर्ण रूपमा हेरिएको छ ।