एकीकृत समाजवादीको सचिवालय बैठक जारी, यी विषयमा हुँदैछ छलफल

म्याक्स टाइगरको ‘दशैं धमाका’ झन् रोमाञ्चक, थप दुई भाग्यशालीको हातमा स्कुटर र मोटरसाइकल

एकीकृत समाजवादीको सचिवालय बैठक जारी, यी विषयमा हुँदैछ छलफल

नेपालवाच २०८० साउन १९ गते १०:५९

काठमाडौं । नेकपा एकीकृत समाजवादीको केन्द्रीय सचिवालय बैठक बसिरहेको छ।

कीर्तिपुरस्थित पुष्पलाल स्मृति प्रतिष्ठान चम्पादेवीमा बैठक जारी छ ।

यसअघि सोमबार बस्ने भनिएको बैठक तयारी नपुगेको भन्दै आजका लागि सारिएको थियो ।

बैठकमा स्थायी कमिटी, पोलिटब्यूरो र केन्द्रीय कमिटी बैठकको तयारी तथा समसामयिक राजनीतिक परिस्थितिको विश्लेषण र पार्टीको संगठनात्मक व्यवस्थापन लगायतका विषयमा छलफल हुने प्रचार विभाग प्रमुख जगन्नाथ खतिवडाले जानकारी दिए ।

एकीकृत समाजवादीको स्थायी कमिटी बैठक साउन २० र २१, पोलिटब्यूरो बैठक भदौ ३ र ४ तथा केन्द्रीय कमिटी बैठक भदौ ५ देखि ७ सम्म बस्ने तय भएको छ।