काठमाडौं । क्रिकेटर सन्दीप लामिछानेविरूद्धको बलात्कारको मुद्दाको सुनुवाइ आज पनि स्थगित भएको छ ।

अदालतले केही कागजातहरू अस्पष्ट भएको भन्दै सुनुवाइ स्थगित गरेको छ ।

पेश भएका कागजातहरू फरक भएको भन्दै बिहीबार न्यायाधीश राजुकुमार खतिवडाको इजलासको सुनुवाइ स्थगित भएको हो ।

अदालतले पीडित गौशाला २६ की आमाको जन्ममिति फरक देखिने कागजात पेश गरिएको जनाएको छ । त्यस्तै पीडितको जन्म दर्ता किताबको विवरणमाथि पनि अदालतले प्रश्न उठाएको छ । यी दुई विवरणहरू स्पष्ट रूपमा बुझाउने आदेश दिँदै अदालतले सुनुवाइ स्थगित गरेको छ ।

क्रिकेटर लामिछानेले नाबालिकलाई बलात्कार गरेको आरोपमाथिको मुद्दा बारे पटक–पटक सुनुवाइ भएपनि फैसला हुन सकेको छैन ।