काठमाडौं । संसदीय सुनुवाई समितिले प्रधानन्यायाधीस पदका लागि विश्वम्भरप्रसाद श्रेष्ठलाई अनुमोदन गरेको छ ।

सोमबार समितिमा गरिएको सुनुवाइपछि श्रेष्ठ सर्वसम्मतिले अनुमोदित भएका हुन् । सुनुवाइ समितिमा श्रेष्ठले आफ्नो कार्ययोजना प्रस्तुत गरेका थिए भने सांसदहरुले सोधेका प्रश्नहरुको जवाफ दिएका थिए ।

त्यसअघि समितिले आज बिहान उजुरीकर्तासँग छलफल पनि गरेको थियो ।

सुनुवाइ समितिले नाम अनुमोदन गरेपछि अब राष्ट्रपतिले श्रेष्ठलाई प्रधानन्यायाधीश नियुक्त गर्नेछन् । गत साउन १८ गते बसेको संवैधानिक परिषद्को बैठकले प्रधानन्यायाधीशका लागि श्रेष्ठको नाम सिफारिस गरेको थियो ।

श्रेष्ठले करिब १४ महिना सर्वोच्चको नेतृत्व सम्हाल्ने छन् । २०१६ असोज २० गते जन्मिएका श्रेष्ठ २०८१ असोज १९ पछि ६५ वर्षे उमेर हदका कारण अनिवार्य अवकाशमा जानेछन्।