काठमाडौं । गृहमन्त्री नारायाणकाजी श्रेष्ठले सरकारका कामलाई असफल बनाउने तत्वहरु सक्रिय भएको बताएका छन् ।

गृहमन्त्री श्रेष्ठले भ्रष्टाचार, तस्करीको अन्त्य नगरी समृद्धिको सपना पूरा नहुने बताए । उनले त्यसकारण नै सुशासनको अभियान चलाएको बताए ।

नेकपा माओवादी केन्द्रका वरिष्ठ उपाध्यक्ष समेत रहेका श्रेष्ठले ललितपुरमा आयोजित कार्यक्रममा प्रधानमन्त्रीको नेतृत्वमा गृहमन्त्रालयले थालेको कामलाई असफल बनाउनको लागि आक्रमण गर्न केहि खनिएका बताए ।

उनले भ्रष्टाचार, तस्करी र कमीसनखोरीमा संलग्नभएकाहरु आतंकित भएका पनि बताए ।  श्रेष्ठले केही राजनीतिक शक्तिहरू लोकतन्त्र सिद्ध्याउन लागिरहेको बताए ।

‘हामीले लिएर आएको लोकतन्त्रलाई सिद्ध्याउनका लागि केही राजनीतिक शक्तिहरू लागेका छन् । यो देशका विरुद्ध, जनताका विरुद्ध र संविधानका विरुद्ध छ,’ उनले भने ।