काठमाडौं । प्रमुख प्रतिपक्षी दल नेकपा एमालेका तर्फबाट २ वटा संसदीय समितिमा उम्मेदवारी दर्ता भएको छ ।

यसअघि सत्ता गठबन्धनसँगको सहमतीमा एमालले ३ वटा संसदीय समितिको नेतृत्व पाउने टुंगो लागेको थियो । तर एमालेले अहिलेसम्म २ वटा समितिमा उम्मेदवारी दर्ता गराएको हो ।

एमालेले यसअघि सार्वजनिक लेखा समिति, महिला तथा सामाजिक मामिला समिति र राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको नेतृत्व पाउने सहमती भएको थियो ।

लेखा समितिमा ऋषिकेश पोखरेल र महिला समितिमा किरण शाहले उम्मेदवारी दर्ता गराएका छन् ।

राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिमा कसलाई पठाउने भन्ने विषयमा एमालेले छलफल भइरहेको जनाएको छ ।