काठमाडौं । एसिया कप अन्तर्गत सोमबार हुने नेपाल र भारतको खेल हेर्न नेपालबाट धेरै मानिसहरु श्रीलंका पुगेका छन् ।

२७ बर्षपछि एसिया कप खेल्ने नेपालको सपना पुरा भएपछि क्रिकेटको महाशक्ति देशहरुसंग नेपालले खेल्ने खेल हेर्न राजनीतिज्ञ, खेलाडी र क्रिकेटप्रेमि श्रीलंका पुगेका छन् ।

नेपाल–भारतको खेल भोली दिउँसो सवा ३ बजे सुरु हुने छ । उक्त खेल हेर्न राष्ट्रिय स्वतन्त्र पार्टीका सभापति रवि लामिछाने पनि श्रीलंका उडेका छन् ।

उनी पत्नि निकितासहित श्रीलंका गएको केन्द्रीय सदस्य दिपक बोहोराले जानकारी दिए । ‘रवि दाइ निकिता दिदीसहित एसिया कपको नेपाल–भारत म्याच हेर्न श्रीलंकातर्फ,’ बोहोराले समाजिक सञ्जाल फेशबुकमा लेखेका छन् ।

यसअघि खेल हेर्नका लागि पुर्व क्रिकेटर शक्ति गौचन पनि पत्निसहति श्रीलंका गएका थिए ।