काठमाडौं । नेपाल टेलिकमले ‘नेपाल टेलिकम तीजको लहर टिकटक च्यालेन्ज’ सञ्चालन गरेको छ ।

टेलिकमको आधिकारिक टिकटक एकाउन्टमार्फत उक्त च्यालेन्जमा सहभागी हुन सकिने टेलिकमले जनाएको छ ।

टेलिकमको तीजको लहर गीतमा टिकटक बनाई यसमा सहभागी हुन सकिने छ । टेलिकमका अनुसार उक्त प्रतियोगिता विजेताहरुलाई नगद र अन्य पुरस्कारको व्यवस्था गरिएको छ ।

च्यालेन्जमा पहिलो हुने विजेताले ४० हजार, दोस्रोले २० हजार र तेस्रोले १० हजार नगद पुरस्कार प्रदान गरिने छ । भाद्र २४ देखि सुरु भएको तीजको लहर टिकटक च्यालेन्जमा असोज ७ गते सम्म सहभागी हुन सकिने छ ।

त्यसैगरी, सान्त्वना पुरस्कारको रुपमा १० जना सहभागीलाई पाँच सयको टप अप प्रदान गरिने छ । नेपाली महिलाहरुको महान चाड तीजलाई रमणीय बनाई  टेलिकमसँग जोडिनसमेत प्रेरित गर्ने उद्देश्यले टिकटक च्यालेन्ज सञ्चालन गरिएको टेलिकमका प्रवक्ता शोभन अघिकारीले जानकारी दिए ।