नदी उत्खननका क्रममा खनिएको खाल्डोमा डुबेर बालकको मृत्यु

नागरिक लगानी कोष र नबिल बैंकबीच अवकाश कोष व्यवस्थापन सम्झौता

नदी उत्खननका क्रममा खनिएको खाल्डोमा डुबेर बालकको मृत्यु

नेपालवाच २०८० असोज ७ गते ८:२८

काठमाडौं । ढुंगा, बालुवा उत्खननका लागि खनिएको खाल्डोमा जमेको पानीमा डुबेर धनुषामा एक बालकको मृत्यु भएको छ ।

धनुषाको बिगही खोलामा खनिएको खाल्डोमा जमेको पानीमा डुबेर बटेश्वर गाउँपालिका–१, धुमासन टोलका बिनोद महतोका ११ वर्षीय छोरा धीरज कुमार महतोको मृत्यु भएको हो ।

शनिबार दिउँसो आफ्ना साथीहरूसँग बिगही खोला पुगेका धीरज उनीहरूसँगै खाल्डोमा नुहाउन पसेका थिए । स्थानीयले उद्धार गरेर उपचारका लागि अस्पताल लैजाने प्रयास गरे पनि बीचमै उनको मृत्यु भएको जिल्ला प्रहरी कार्यालय, धनुषाले जनाएको छ ।

प्रहरीले घटनाबारे जानकारी पाएपछि अनुसन्धान थालिएको जनाएको छ ।