दशैंका मुखमा ग्यासको मुल्य २१५ रुपैयाँ बढ्यो

स्वास्थ्य बीमा बोर्डद्वारा २०८२ पुससम्म २५ अर्बभन्दा बढी दाबी भुक्तानी

दशैंका मुखमा ग्यासको मुल्य २१५ रुपैयाँ बढ्यो

नेपालवाच २०८० असोज १३ गते २१:२३

काठमाडौं । दशैंको मुखमा नेपाल आयल निगमले इन्धनमा उच्च मूल्य बृद्धि गरेको छ । मूल्यबृद्धिले जनता आक्रान्त भएका बेला खाना पकाउने ग्यासमा प्रतिसिलिण्डर २१५ रुपैयाँ बढाउने निर्णय गरेको हो । यससँगै ग्यासको मूल्य २११० रुपैयाँ प्रतिसिलिण्डर पुगेको छ ।

शनिबार बसेको निगम सञ्चालक समितिको बैठकले आइतबारदेखि लागू हुने गरी यस्तो निर्णय गरेको हो । त्यस्तै, पेट्रोलमा प्रतिलिटर २, डिजेल र मट्टितेलमा प्रतिलिटर ६ र हवाइ इन्धनमा प्रतिलिटर ८ रुपैयाँ बढाइएको छ । स्वचालित मूल्यबृद्धि भने पनि यसरी चाडपर्वको मुखमा भएको मूल्यबृद्धिप्रति सर्वसाधरणले आक्रोश व्यक्त गरेका छन् ।