काठमाडौं । कञ्चनपुरको महेन्द्रनगर क्षेत्रका मसाज सेन्टरमा प्रहरीले छापा मारेको छ । त्यसक्रममा अनैतिक कार्य गरेको भेटिएपछि १७ जनालाई नियन्त्रणमा लिइएको छ ।

जिल्ला प्रहरी कार्यालय, कञ्चनपुरका प्रमुख प्रहरी उपरीक्षक कमल थापा नेतृत्वको टोलीले आइतबार छापा मार्दै १७ जनालाई नियन्त्रणमा लिएको हो ।

भीमदत्त न.पा.–५ मा रहेको कोहिनुर र सोही स्थानमा रहेको ग्ल्यामर मसाज सेन्टरमा महिला पुरूषहरू अनैतिक किसिमका कार्यहरु गरिरहेको पाइएपछि १७ जनालाई नियन्त्रणमा लिएको जिल्ला प्रहरी कार्यालय, कञ्चनपुरले जनाएको छ ।

समातिनेमा ८ भारतीय र बाँकी नेपाली छन् । नियन्त्रणमा लिइएकामाथि प्रहरीले थप अनुसन्धान गरिरहेको छ ।