काठमाडाैं । नेपाली कांग्रेस निकट नेपाल विद्यार्थी संघले इजरायलको युद्धमा मारिएका नेपाली विद्यार्थीप्रति श्रद्धाञ्जली अर्पण गर्दै दीप प्रज्वलन गरेको छ ।

सोमबार साँझ पाटन दरबार स्क्वायरमा नेविसंघले दीप प्रज्वलन गरेको हो । दिप प्रज्वलनमा बिभिन्न प्ले कार्डसहित नेविसंघका नेता कार्यकर्ताहरु उपस्थित भए ।

त्यसक्रममा नेविसंघका अध्यक्ष दुजाङ शेर्पालगाएत केही केन्द्रीय सदस्यहरु पनि सहभागि भए । दिप प्रज्वलनपछि अध्यक्ष शेर्पाले मृतक विद्यार्थीप्रति श्राद्धाञ्जली अर्पण गर्दै परिवारजनमा समवेदना प्रकट गरे ।

उनले घाइतेहरुको शिघ्र स्वास्थलाभको कामनासहित विश्व शान्तीको कामना गरे । शेर्पाले समस्याको समाधान युद्ध नभई बार्ता छलफल र सहकार्य भएको बताए ।

आजको २१ औ सताब्दिमा पनि युद्ध र नरसंहारमा बिश्वास गर्नु खेदजनक रहेको शेर्पाले बताए । शेर्पाले अध्ययनको शिलशिलामा इजरायलमा रहेका नेपाली विद्यार्थी तथा नेपाली नागरिकहरुलाई संयमता कायम राख्न पनि अनुरोध गरे ।

यस्तै केन्द्रीय सदस्य नारायाण पाण्डेले इजरायलमा रहेका नेपाली विद्यार्थी तथा नेपाली नागरिकहरुलाई संयमता कायम राख्न पनि अनुरोध गरे । उनले समस्याको समाधान युद्ध नभई बार्ता छलफल र सहकार्यका माध्यमबाट अगाडी बढ्नु पर्नेमा जोड दिए ।

हमास आक्रमणमा परी अहिलेसम्म १० जना नेपाली विद्यार्थीहरू मृत्यु भइसकेको सरकारले जनाएको छ । प्यालेस्टाइन समर्थित विद्रोही समूह हमासले शनिबार इजरायलतर्फ मिसाइल आक्रमण गरेको थियो ।

आक्रमणमा परी अहिलेसम्म ८ सयभन्दा बढी इजरायलीहरूको मृत्यु भइसकेको छ ।