काठमाडौं ।सहसचिव र उपसचिवको रोकिएको विज्ञापन लोक सेवा आयोगले आह्वान गरेको छ ।

वार्षिक कार्यतालिकाअनुसार बुधबार (हिजो) प्रकाशित हुनुपर्ने विज्ञापन ‘विशेष कारण’ जनाउँदै स्थगित भएकोमा आयोगले बिहीबार सूचना निकालेर सहसचिव र उपसचिव माग गरेको हो ।

आयोगले बुधबारको निर्णयअनुसार विज्ञापन आह्वान गरिएको जनाएको छ । बुधबार गर्नुपर्ने विज्ञापन स्थगित गरिएपछि यसको चौतर्फी आलोचना भएको थियो ।

सहसचिव र उपसचिवको विज्ञापन खुले पनि सबैमा नगरेर खुलामा मात्र गरिएको छ । समावेशीको पाटो नसुल्झिएकाले आयोगले बीचको बाटो अपनाएको हो ।

समावेशीका लागि छुट्याइएको पदमा कानूनी व्यवस्था भएपछि विज्ञापन गरिने आयोगले जनाएको छ । सर्वोच्च अदालतले गत वर्ष मात्रै थारु जातिका लागि सरकारी सेवामा आरक्षणको व्यवस्था गर्न परमादेश जारी गरेको थियो ।

हेर्नुहोस् सूचना