काठमाडाैं । चालु आर्थिक वर्ष २०८०/८१ को सुरुवाती तीन महिनामा वैदेशिक व्यापार बढेको छ । साउनदेखि असोजसम्ममा ४ खर्ब ७ अर्ब ७५ करोड ८९ लाख ७५ हजार रूपैयाँ बराबरको वस्तु आयात भएको छ । असोजसम्ममा वैदेशिक व्यापार १.३१ प्रतिशतले बढेकोको छ । सोही अवधिसम्ममा ४ खर्ब ४८ अर्ब ६३ करोड रूपैयाँ बराबर वैदेशिक व्यापार भएको हो ।

असोजसम्ममा उक्त मूल्य बराबरको वस्तु आयात हुँदा सरकारले १ खर्ब ९ अर्ब २४ करोड ९१ लाख रूपैयाँ बराबर राजश्व संकलन गरेको छ ।

तीन महिनाको अवधिमा वस्तु निर्यात  भने घटेको छ । भन्सार विभागले सार्वजनिक गरेको तथ्यांकअनुसार असोजसम्ममा ४० अर्ब ८७ करोड ४८ लाख ९१ हजार रूपैयाँको वस्तु निर्यात गरेको छ ।  जुन गत आर्थिक वर्षको असोजमसान्तसम्मको तुलनामा २.२६ प्रतिशतले कमी हो ।

नेपालले असोज मसान्तसम्ममा ३ खर्ब ६६ अर्ब ८८ करोड ४० लाख रूपैयाँ बराबर व्यापारघाटा व्यहोरेको छ ।

नेपालले २ खर्ब २४ अर्ब ३६ करोड १३ लाख रूपैयाँ बराबर व्यापार घाटा व्यहोरको छ । त्यस्तै, चीनसँग नेपालको व्यापारघाटा ७९ अर्ब ८ करोड ८१ लाख बराबर रहेको छ ।

१७ अर्बको पेट्रोल आयात

भन्सार विभागका अनुसार असोजसम्ममा देशले १७ अर्ब १० करोड ८७ लाख रूपैयाँ पेट्रोल आयातमा खर्च गरेको छ । त्यस्तै २९ अर्ब ९२ करोडको डिजेल नेपाल भित्रिएको छ ।