काठमाडौं  । जाजरकोट र पश्चिम रुकुममा भूकम्पका घाइतेहरुहरुको काठमाडौंको वीर अस्पताल र राष्ट्रिय ट्रमा सेन्टरमा उपचार हुने भएको छ । वीर र ट्रमाले उपचारका लागि तयारी गरेका छन् ।

चिकित्सा विज्ञान राष्ट्रिय प्रतिष्ठान (न्याम्स)का उपकुलपति प्राडा भुपेन्द्रकुमार बस्नेतका अनुसार इमरजेन्सी, ओटी र आईसीयू तयारी अवस्थामा राखिएको छ । साथै बिरामी लिनलाई अस्पतालका एम्बुलेन्स विमानस्थल पठाइएको छ ।  ट्रमा सेन्टरका इमरजेन्सी ३८ बेड भूकम्पका घाइतेका लागि तयारी अवस्थामा राखिएको छ।  घाइतेहरुलाई हेलिकोप्टरबाट उद्धारको काम भइरहेको छ ।

सुरक्षा निकायबाट प्राप्त पछिल्लो तथ्याङकअनुसार भूकम्पमा एक सय ७५ जनाको मृत्यु भएको छ भने तीन सय ७५ जना घाइते भएका छन् ।