डोटीमा जिप दुर्घटना, ४ जनाको मृत्यु, ५ घाइते
काठमाडौं । डोटीमा जिप दुर्घटना हुँदा ४ जनाको ज्यान गएको छ भने पाँच जना घाइते भएका छन् । धनगढीबाट बाजुरातर्फ जाँदै गरेको ग२च २७७६ नम्बरको बोलेरो जिप आइतबार बिहान साढे २ बजे शिखर नगरपालिका–६ को केआई सिंह राजमार्गमा दुर्घटना भएको हो ।
दुर्घटनामा जिपमा सवार चार जनाको घटनास्थलमै मृत्यु भएको जिल्ला प्रहरी कार्यालय, डोटीले पुष्टि गरेको छ । ज्यान गुमाउनेमा बाजुराको हिमाली गाउँपालिका–५ का २२ वर्षीया राधिका मलाल, ३२ वर्षीया धनशोभा बुढा, उनका ६ वर्षीय छोरा कबिन्द्र बुढा र सोही स्थानकी विमला मलालकी ८ महिनाकी छोरी प्रार्थना छन् ।
दुर्घटनामा ५ जना घाइते भएका छन् । घाइतेमध्ये एकको अवस्था गम्भीर रहेको र उनीहरूलाई उद्धार गरेर शैलेश्वरी अस्पताल डोटी पु–याइएको अस्पतालले जनाएको छ ।
जिप सडकबाट करिब ६० मिटर तल खसेको छ । एक्कासि अनियन्त्रित भएर जिप दुर्घटना भएको बताइए पनि यसको ठोस कारण पत्ता लागेको छैन ।
ताजा अपडेट
-
प्रधानमन्त्रीको विश्वासको मत संकटमा !
-
नेपाली सेनाका क्याप्टेन हिरासतमा
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगिन आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
प्रतिक्रिया