विश्वकप फाइनलमा भारतको कमजोर ब्याटीङ, अष्ट्रेलियालाई सहज लक्ष्य
काठमाडौं । एकदिवसिय क्रिकेट विश्वकपको फाइनलमा भारतले कमजोर ब्याटीङ गरेको छ । भारतले अष्ट्रेलियालाई २४१ रनको लक्ष्य दिएको छ ।
पूरै ओभर खेलेको भारतले ५० ओभरमा २४० रन बनाएर सबै विकेट गुमाएको हो ।
सुरुवाती ब्याटीङ आक्रामक गरेको भारतका दुई मुख्य ब्याट्सम्यान आउट भएपछि उसको ब्याटीङमा सुधार हुन सकेन ।
सुरुको १० ओभरमा भारतले एक विकेट ८० रन बनाएको थियो । भारतका लागि विराट कोहली र केएल राहुलले अर्धशतक तथा रोहित शर्माले ४७ रन बनाउनु बाहेक अन्य ब्याट्सम्यान चल्न सकेनन् ।
भारतका राहुलले एक सय ७ बलमा सर्वाधिक ६६ रन बनाए । उनले मात्र एक चौका हिर्काए । तेस्रो नम्बरमा क्रिजमा आएका विराट कोहलीले ६३ बलमा चार चौकासहित ५४ रनको योगदान गरे ।
ओपनर रोहित शर्माले ३१ बलमा ४७ रन बनाएर आउट भए । चार चौका र तीन छक्का हिर्काएका रोहितलाई ग्लेन म्याक्स्वेलले ट्राभिस हेडबाट क्याच आउट गराए । भारतका लागि सूर्यकुमार यादवले १८ रनको योगदान गरे।
अस्ट्रेलियाका मिचेल स्टार्सले १० ओभरमा ५५ रन खर्चदै तीन विकेट लिए । कप्तान प्याट कमिन्स र जस हेजलवुडले समान दुई विकेट लिए ।
भारत घरेलु मैदानमा तेस्रो पटक विश्वकप उचाल्ने दाउमा छ । अस्ट्रेलिया कीर्तिमानी छैटौं पटक उपाधि जित्ने लक्ष्यमा छ ।
भारतले यसअघि १० खेलमा अपराजित रहँदै फाइनलमा स्थान बनाएको थियो। सुरुवाती दुई खेल हारेको अस्ट्रेलिया त्यसपछिका आठ खेलमा अपराजित छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया