धनकुटा । धनकुटामा एकै परिवारका तीन जना मृत फेला परेका छन्।

धनकुटा नगरपालिका–१ निगालेमा एक पुरुषले श्रीमती र छोराको हत्या गरी आफूले समेत आत्महत्या गरेका हुन् ।

बुधवार राति निगालेका ३५ वर्षीय टिकाराम गुरुङले ३६ वर्षीया श्रीमती भीमा गुरुङ र १० वर्षीय छोरा आयुस गुरुङको हत्या गरी आफूले आत्महत्या गरेको जिल्ला प्रहरी कार्यालय धनकुटाले जनाएको छ ।

टीकाराम र भीमाका ६ वर्षीया आशिका छोरी पनि छिन्।

गए राति श्रीमान र श्रीमतीबीच झगडा भएको थियो। मापसे गरी झगडा भएपछि टीकाराम आफैंले छोरी आशिकालाई छिमेकीको घरमा छाड्न गएका थिए।

बुबाले आमा र दाजुलाई घाँटीमा समातेर टाउकामा कुटेको देखेको आशिकालाई उदृत गर्दै प्रहरीले जनाएको छ ।