संसद सचिवालय महासचिव पदबाट गौतमले दिए राजीनामा, पदम पाण्डेको नाम सिफारिस

नागरिक लगानी कोष र नबिल बैंकबीच अवकाश कोष व्यवस्थापन सम्झौता

संसद सचिवालय महासचिव पदबाट गौतमले दिए राजीनामा, पदम पाण्डेको नाम सिफारिस

नेपालवाच २०८० मंसिर २५ गते १२:०६

काठमाडौं । संघीय संसद सचिवालयका महासचिव भरत गौतमले पदबाट राजीनामा दिएका छन्। उनको राजीनामापछि महासचिवमा पदमप्रसाद पाण्डेको नाम राष्ट्रपति समक्ष सिफारिस भएको छ ।

सभामुख देवराज घिमिरे र राष्ट्रियसभा अध्यक्ष गणेश तिमल्सिनाले आज राष्ट्रपति रामचन्द्र पौडेललाई भेटेर पाण्डेको नाम महासचिवमा नियुक्तिका लागि सिफारिस गरेका हुन् । पाण्डे हाल प्रतिनिधिसभाको सचिव छन् ।

आइतबार साँझ गौतमले राष्ट्रपति रामचन्द्र पौडेलसमक्ष राजीनामा दिएको स्रोतले जानकारी दिएको छ। उनको कार्यकाल आगामी भदौमा सकिँदै थियो । गौतमले राजीनामा दिनुको कारण खुलिसकेको छैन।