सांघाई । चीनमा कोरोना भाइरस संक्रमण पुनः दु्रत गतिमा बढ्न थालेको छ । सोमबार देशभर १६ हजार ५ सय ९० जना संक्रमित भएका छन् ।

जसमध्ये १ हजार २ सय ३५ जनामा संक्रमणको लक्षण देखिएको छ । बाँकी १५ हजार ३ सय ५५ जनामा कुनै पनि लक्षण नदेखिएको चिनियाँ स्वास्थ्य निकायले जनाएको छ ।

चीनको व्यवसायिक सहर सांघाईमा सबैभन्दा धेरै संक्रमित भेटिएका छन् । सरकारले विच्याटको आधिकारिक एकाउन्टबाट दिएको जानकारी अनुसार सोमबार १३ हजार ८६ जना संक्रमित भेटिएका छन् ।

कोरोना भाइरसको संक्रमण फैलिएपछि चीनले सांघाईमा २ करोड ६० लाख मानिसको संक्रमण परीक्षण गर्न सोमबार सैनिक एवं हजारौं स्वास्थ्यकर्मीलाई पठाएको छ । सांघाईमा सोमबारबाट दोस्रो चरणको लकडाउन सुरु भएको छ ।