काठमाडौंका यी ठाउँमा साढे ४ घण्टा विद्युत् अवरुद्ध हुने

त्रिशूली-३ ‘ए’ सुरुङभित्रबाट आयाे मानिसकाे आवाज

काठमाडौंका यी ठाउँमा साढे ४ घण्टा विद्युत् अवरुद्ध हुने

नेपालवाच २०८० पुष ४ गते ८:२६

काठमाडौं । काठमाडौंका फरक-फरक ठाउँमा आजदेखि चारदिन विद्युत् सेवा अवरुद्ध हुने भएको छ ।

महाराजगञ्ज वितरण केन्द्रअन्तर्गतको विद्युतीय लाइन भूमिगत गर्ने काम भइरहेकोले त्यस क्षेत्रमा बिहान ९ः३० देखि दिउँसो २ बजेसम्म विद्युत अवरुद्ध हुने नेपाल विद्युत प्राधिकरणले जनाएको छ ।

प्राधिकरणका अनुसार आज बुधबार चपली तथा बूढानीलकण्ठ, बिहीबार गोङ्गबु बसपार्क, शुक्रबार चपली तथा हात्तीगौंडा र शनिबार चपली, बूढानीलकण्ठ तथा पासीकोटमा आपूर्ति बन्द हुनेछ ।

मौसम खराब भई काम नहुने अवस्थामा भने विद्युत सेवा अवरुद्ध नहुने प्राधिकरणले जनाएको छ ।