काठमाडौं । निर्वाचन आयोगले स्वीकृत आचारसंहिता प्रभावकारी कार्यान्वायन गर्नका लागि निर्वाचनमा भाग लिने ७९ राजनीतिक दलहरूसँग लिखित् प्रतिबद्धता माग्ने भएको छ । आचारसंहिता कडाइसाथ पालना गर्न निर्वाचनमा भाग लिने सबै राजनीतिक दलका पदाधिकारीलाई केहीबेरमा बोलाइएको हो ।

आचारसंहिता पालनामा आयोगले निर्देशन दिनुभन्दा पनि सम्बन्धित दलहरूले लिखित प्रतिबद्धता जनाएको खण्डमा प्रभावकारी कार्यान्वयन हुने आयोगको विश्वास रहेको छ ।

चुनावको मिति नजिकिँदै जाँदा दलहरूले आचारसंहिताविपरीत चुनावी गतिविधि नहोस् भन्नका लागि दलहरूलाई लिखित् रूपमा सचेत गराउन लागिएको प्रवक्ता शालिग्राम शर्मा पाैडेलले बताए ।