मौसम : पश्चिमी वायुको आंशिक प्रभाव
काठमाडौं । हाल नेपालमा पश्चिमी वायुको आंशिक प्रभाव रहेको जल तथा मौसम विभाग, मौसम पूर्वानुमान महाशाखाले जनाएको छ ।
महाशाखाका अनुसार हाल देशभर आंशिक बदली देखि मौसम सामान्यतया सफा रहेको छ।
आज दिउँसो देशभर आंशिक बदली देखि मौसम सामान्यतया सफा रहनेछ ।
त्यस्तै राति, कोशी, बागमती र गण्डकी प्रदेशको पहाडी भू-भागमा आंशिक देखि सामान्य बदली हुनेछ भने बाँकी भू-भागमा आंशिक बदली देखि मौसम सामान्यतया सफा रहने महाशाखाले जनाएको छ ।
काठमाडौं उपत्यकाको अहिले बिहानको तापक्रम ६ डिग्री सेल्सियस रहेको छ। दिउँसो १७ देखि १९ को बीचमा रहने मौसमविद् रोजन लामिछानेले बताए ।
प्रतिक्रिया