काठमाडौं । विद्यालय जाँदै गरेकी १० कक्षामा अध्ययनरत छात्रा कविता सुनुवारको बाटैमा हत्या भएको प्रकरणमा प्रहरीले दुई जनालाई पक्राउ गरेको छ ।

पक्राउ पर्नेमा मृतक छात्राकै १७ वर्षीय (नाबालिग) सहपाठी र उनका दाजु (काकाका छोरा) विनोद ढकाल रहेको उदयपुर प्रहरीले जनाएको छ ।

प्रहरीका अनुसार मृतक कविता र ती १७ वर्षीय छात्राबीच मनमुटाब थियो । त्यसैले उग्ररूप लिएपछि दाजु विनोदलाई बोलाएर उनको हत्या भएको पाइएको छ ।

हत्याका लागि ढुंगा र बियरका बोतल प्रहार गरिएको पाइएको छ ।

उदयपुरको बेलका नगरपालिका–३ मा आजैमात्र एक छात्राको हत्या भएको थियो ।

कोशी जनता माध्यमिक विद्यालय रामपुरमा कक्षा १० मा अध्ययनरत कविताको यसोदा खोलामा हत्या भएको विद्यालयका प्रधानाध्यापक सूर्यनारायण साह र विद्यालय व्यवस्थापन समितिका अध्यक्ष गणेश बस्नेतले आज एक संयुक्त विज्ञप्ति जारी गर्दै जनाएका छन् ।

विद्यालय जाँदै गरेकी छात्राको बाटैमा हत्या !