काठमाडौं । मंगलबार साँझ पक्राउ परेका रामबहादुर बमजनको बुढानीलकण्ठस्थित निवासबाट ३ करोड रुपैयाँभन्दा बढी नगद बरामद भएको छ।

तपश्वीको भेषमा अपराधको श्रृंखला मच्चाएको आरोपमा पक्राउ परेका बमजनको घरमा छापामार्दा विदेशी मुद्रासहित नेपाली रूपैयाँ बरामद भएको प्रहरी केन्द्रीय अनुसन्धान ब्युरोले जनाएको छ ।

सीआईबी प्रमुख किरण बज्राचार्यका अनसुार नगदबाहेक १५ वटा मोबाइल, ल्यापटप र ३५ वटा पेन ड्राइभ पनि बरामद भएको छ ।

‘बमजनको घरबाट बरामद नेपाली रूपैयाँ गनेर सकियो। तीन करोड तीस लाख ७५ हजार रहेछ। सबै हजार हजारको गड्डीहरू भेटिएको छ। अब बरामद भएको विदेशी पैसा गन्न बाँकी छ। डलर लगायत अरू पनि करेन्सी छन्,’ ब्रजाचार्यले भनिन्।

लिटिल बुद्ध उपनामले परिचित बमजनलाई आज अदालतबाट म्याद थप गर्ने तयारी भइरहेको छ ।