काठमाडौं । काठमाडौंको बागबजारमा रहेको काठमाडौं मोडेल कलेज (केएमसी) का प्लस टू अध्ययनरत विद्यार्थीले शनिबार सरसफाइ कार्यक्रम गरेका छन् ।

केएमसी स्टुडेन्ट्स कमिटीअन्तर्गतको इको क्लब आबद्ध विद्यार्थीले शनिबार बिहान बागबजारदेखि एनएसी हुँदै वसन्तपुरसम्म सरसफाइ गरेका हुन् । सरसफाइमा करिब ४० विद्यार्थीको सहभागिता थियो ।

‘देशको सुन्दरता, हाम्रो प्रतिबद्धता, काठमाडौंको फोहोर व्यवस्थापन एक जटिलता’ नारा दिएर आयोजना गरिएको सरसफाइ कार्यक्रम बिहान ८ बजे सुरु भएर ११ बजेसम्म चलेको थियो ।

जथाभावी फोहोर फाल्न हुँदैन भन्ने सन्देश प्रवाह गर्ने उद्देश्यले शनिबार सरसफाइ कार्यक्रम सञ्चालन गरिएको इको क्लबले जनाएको छ ।

तस्बिर सौजन्य : दिवस अम्गाईं