काठमाडौं । विद्यालय जाँदै गरेकी १० कक्षामा अध्ययनरत छात्रा कविता सुनुवारको बाटैमा हत्या भएको प्रकरणमा पक्राउ परेका दुई जनालाई प्रहरीले आज सार्वजनिक गरेको छ ।

पक्राउ पर्ने मृत छात्राकै १७ वर्षीय (नाबालिग) सहपाठी र उनका पर्ने भारतको सिक्किम घर भएका विनोद ढकाल रहेको उदयपुर प्रहरीले जनाएको छ ।

प्रहरीका अनुसार मृतक कविता र ती १७ वर्षीय छात्राबीच सामान्य मनमुटाब थियो । त्यसैलाई निउँ बनाएर उनको हत्या भएको पाइएको छ ।
हत्याका लागि ढुंगा र बियरका बोतल प्रहार गरिएको पाइएको छ ।

उदयपुरको बेलका नगरपालिका–३ मा मंगलबार एक छात्राको हत्या भएको थियो ।

कोशी जनता माध्यमिक विद्यालय रामपुरमा कक्षा १० मा अध्ययनरत कविताको यसोदा खोलामा हत्या भएको हो ।