काठमाडौं । संयुक्त राष्ट्रसंघीय विकास कार्यक्रम (युएनडिपी) ले सवारी चालक पदमा जनशक्ति माग गरेको छ ।

युएनडिपीले एक सूचना प्रकाशित गर्दै काठमाडौंका लागि एक सवारी चालक माग गरेको हो । काठमाडौंका लागि मागिए पनि कामको सिलसिलामा उपत्यका बाहिर आवतजावत गरिरहनुपर्ने युएनडिपीले जनाएको छ ।

एसएलसी तथा एसइई उत्तीर्ण भई मान्यताप्राप्त संस्थाबाट हलुका तथा मझौला सवारी चालक अनुमतिपत्र लिएका, सवारीसाधन चलाएको कम्तीमा दुई वर्षको अनुभव भएकाले आवेदन दिन सक्ने सूचनामा उल्लेख छ ।

त्यस्तै सवारीसम्बन्धी कानून तथा नियमको पूर्ण जानकारी भएको, सवारी साधन मर्मत तथा सम्भारको अनुभव भएको, नेपाली र अंग्रेजी भाषा राम्ररी बोल्न र बुझ्न सक्ने पनि हुनुपर्नेछ ।