काठमाडौं । जहाजका क्रु मेम्बरलाई जबरजस्ती गरेर प्रधानमन्त्री शेरबहादुर देउवा रहेको ठाउँमा प्रवेश गरेर आलोचित पत्रकार ऋषि धमलाले जनतालाई शीघ्र सुसूचित गराउन खोज्दा आफूबाट गल्ती भएको स्वीकार गरेका छन् । साथै उनले आगामी दिनमा यस्तो अमर्यादित हर्कत नगर्ने प्रतिबद्धता पनि जायर गरेका छन् ।

भारत भ्रमणबाट स्वदेश फर्कने क्रममा प्रधानमन्त्री सवार विमानमा धमलाले विमानका कर्मचारीलाई अभद्र व्यवहार गरेर प्रधानमन्त्री रहेको स्थानमा प्रवेश गरी टेलिभिजनमा लाइभ गरेपछि उनको चर्को आलोचना भएको थियो । लगत्तै काउन्सिलले धमलासँग स्पष्टीकरण सोधेको थियो । जसको जवाफ उनले बुधबार काउन्सिललाई बुझाएका हुन् ।

‘धमलाले बुधबार स्पष्टीकरणको जवाफ बुझाउँदै आफूबाट गल्ती भएको र आइन्दा त्यस्तो कार्य नगर्ने प्रतिबद्धता जनाएका छन्,’ काउन्सिल स्रोतले भन्यो ।