अछाम । चट्याङ लागेर अछाममा एक बालकको मृत्युु भएको छ । जिल्लाको रामारोशन गाउँपालिका–७, मेलकाटिया निवासी कमल भण्डारीका छ वर्षीय छोरा गौरवको सोमबार राति हुरीबताससँगै परेको चट्याङले मृत्यु भएको हो ।

रामारोशन गाउँपालिका–७ का पूर्ववडाध्यक्ष खड्कबहादुर भण्डारी चट्याङले एकै परिवारका तीन जना घाइते हुनुका साथै घरसमेत नष्ट भएको जानकारी दिए ।

यसैबीच, डडेल्धुरामा पनि चट्याङ लागेर एकै परिवारका तीन जना घाइते भएका छन् । घर जलेर पूर्ण रूपमा नष्ट भएको छ । सोमबार बेलुका परेको चट्याङले अमरगढी नगरपालिका–३ कोटेउडाका देवराज पाण्डेय, उनकी श्रीमती चन्द्रावतीदेवी र छोरा दिपेश घाइते भएका हुन् ।स्थानीय विष्णु पाण्डेयका अनुसार घाइते उनीहरूको अवस्था सामान्य छ ।