भारतमा तीर्थयात्रु सवार बस खस्यो, २२ को मृत्यु

अस्ट्रेलियामा लाखौँ कामदारको तलब बढ्ने, न्यूनतम ज्यालामा करिब ६ प्रतिशत वृद्धि

भारतमा तीर्थयात्रु सवार बस खस्यो, २२ को मृत्यु

नेपालवाच २०८१ जेठ १८ गते ८:५३

काठमाडौं । भारतको जम्मुमा तीर्थयात्रु सवार बस दुर्घटना हुँदा २२ जनाको मृत्यु भएको छ भने ६९ जना घाइते भएका छन् ।

जम्मु–पुँछ राजमार्गअन्तर्गत चोकीचोरा भन्ने स्थानमा बिहीबार बस दुर्घटना भएको हो । दुर्घटनाग्रस्त बस सडकबाट करिब १५० फिट तल खसेको सरकारी अधिकारीलाई उद्धृत गर्दै भारतीय सञ्चारमाध्यमले जनाएका छन् ।

बसमा हाथरस र राजस्थानका करिब ९० तीर्थयात्रु सवार थिए ।

भारतीय प्रधानमन्त्री नरेन्द्र मोदीले घटनाप्रति दुःख व्यक्त गर्दै मृतकका परिवारलाई राहत घोषणा गरेका छन् ।