काठमाडौं । टी–२० विश्वकप क्रिकेटमा सन्दीप लामिछानेले दुई खेल खेल्न पाउने भएपछि वरिष्ठ कलाकार हरिवंश आचार्यले बधाई दिएका छन् ।

अमेरिकाले भिसा नदिएपछि नेपालको पहिलो खेल गुमाएका सन्दीप अहिले वेस्ट इन्डिज पुगेका छन् । नेपाल क्रिकेट संघ (क्यान) ले सन्दीप वेस्ट इन्डिज पुगेको जानकारी दिएसँगै आचार्यले सामाजिक सञ्जालमा एक पोस्ट् लेखेर बधाई दिएका हुन् ।

‘सन्दीपप लामिछाने विश्वकप क्रिकेटका वेस्टइण्डिजमा हुने खेलहरूमा सहभागी हुने भएकोमा हार्दिक बधाई र सम्पूर्ण टोलीलाई सफलताको शुभकामना,’ आचार्यले फेसबुकमा लेखेका छन् ।

अमेरिकाले भिसा नदिएपछि त्यसतर्फ जान रोकिएका सन्दीपले अब वेस्ट इन्डिजमा हुने दक्षिण अफ्रिका र बंगलादेशविरुद्धको खेलमा सहभागिता जनाउनेछन् ।