काठमाडाैं । सोमबार प्रतितोला २ सय रूपैयाँ घटेको सुनको मूल्य मंगलबार ८ सय रूपैयाँ बढेको छ । आज सुनचाँदी बजारमा सुनको मूल्य प्रतितोला एक लाख ९ सय रूपैयाँमा कारोबार भइरहेको हो ।

नेपाल सुनचाँदी व्यवसायी महासंघका अनुसार सोमबार सुनको मूल्य तोलामा एक लाख १ सय रूपैयाँमा कारोबार भएको थियो । आइतबार सुनको मूल्य तोलामा ८ सय रूपैयाँ बढेर एक लाख ३ सय रूपैयाँमा कारोबार भएको थियो । आज तेजाबी सुनको भाउ पनि प्रतितोला ८ सयले नै बढेर एक लाख चार सय रुपैयाँमा कारोबार भइरहेको छ ।

त्यस्तै सोमबार स्थिर चाँदीको भाउ मंगलबार बढेको छ । मंगलबार चाँदीको मूल्य १५ रूपैयाँ बढेर एक हजार ३८० रूपैयाँमा कारोबार भइरहेको छ । सोमबार चाँदी प्रतितोला १ हजार ३ सय ६५ रुपैयाँमा कारोबार भएको थियो ।