एसी मिलानसँग बार्सिलोना पराजित

विश्वकप फुटबलको फाइनल एनटीभी प्लसबाट निःशुल्क प्रत्यक्ष प्रसारण हुने

नेपालवाच २०८१ साउन २३ गते ९:०१

काठमाडौं। बार्सिलोना एसी मिलानसँग पराजित भएको छ । प्रि–सिजन मैत्रीपूर्ण खेलमा बार्सिलोना पेनाल्टी सुटआउटमा एसी मिलानसँग स्तब्ध बनेको हो ।

निर्धारित समयमा दुई टिमले २–२ गोलको बराबरी खेलेपछि खेल पेनाल्टी सुटआउटमा प्रवेश गरेको थियो । जसमा बार्सिलोना ४–३ गोलान्तरमा पराजित भयो ।

मिलानका डेभिड क्यालाब्रिया, नूह ओकाफोर, यासिन अड्ली र केभिन जेरोलीले पेनाल्टी सदुपयोग गर्दै गोल गर्दा बार्सिलोनाका तीन खेलाडी मार्क बर्नल, एन्टोनियो फर्नान्डेज र भिटर रोकेले मात्रै गोल गर्न सके।