काठमाडौ । नेपाल स्टक एक्सचेञ्ज (नेप्से) परिसूचकमा २६ अंकको गिरावट देखिएको छ । आज नेप्से परिसूचक २६ दशमलव ०७ अङ्कले घटेर २५९७ दशमलव ४९ विन्दुमा कायम भएको छ ।

हिजो नेप्से १०४ अंकले बढेको थियो ।

आज तीन सय १० कम्पनीका ८३ हजार ८१ पटक कारोबारमा एक करोड ५१ लाख ९९ हजार ७६३ कित्ता सेयर खरिदबिक्री हुँदा ६ अर्ब ७७ करोड ८१ लाख ९५ हजार रूपैयाँको कारोबार भएको छ ।

बुधबार थ्री स्टार हाइड्रोपावरको सेयरम सर्किट लागेको छ भने वीन नेपालका लगानीकर्ताले सर्वाधिक गुमाएका छन् ।

आज नेपाल फाइनान्स लिमिटेडको सर्वाधिक २० करोड ७१ लाख ५५ हजार २६७ रूपैयाँको कारोबार भएको छ । त्यस्तै हिमालयन रिइन्स्योरेन्सको १७ करोड ३१ लाख ७९ हजार रूपैयाँ, गुडवील फाइनान्सको १५ करोड ९६ लाख ६९ हजार रूपैयाँको कारोबार भएको छ ।